|
|
|
|
|
|
|
|
|
|
|
|
|
روابط مفيدة: التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
 |
 |
 |
|
 |
||||||||
 |
 |
| الحريق للرحلات كل مايخص البر والرحلات |
الإهداءات |
|
|
|
|
||
 | |||
 |
|
|
LinkBack | أدوات الموضوع |
05-01-2008, 11:22 PM
|
رقم المشاركة : 1 (permalink) | ||
|
|
الـــرحـــلــــه إلـــى الــمـــضــبـــاعـــه فــي الــحــريــق
السلام عليكم ورحمة الله وبركاته
حيا الله الجميع وكيف احوالكم ان شاء الله بخير وعافيه ، والمعذره على الانقطاع عنكم في موضوعنا اليوم سوف يكون ان شاء الله عن رحله الى المضباعه في الحريق والكثير يعرفها ويعرف المنطقه وهذي بعض الصور للمنطقه . طويق وما أدراك ما طويق تلك الجبال العظيمه الممتده الى اقصى شمال المملكه تقع المضباعه في جبال طويق شرق مدينة الحريُق . موقع ديرة الحريق على الخريطه والمضباعه  الدخول الى بلدة الحريق ثم الخروج والتوجه شرقا للجبال  التوجه الى الجبال والمسافه من الديره قرابة 7 كيلوا    بداية المسيره ، وبعض الصور لجبال طويق الرائعه وتظهر مدينة الحريق وبعض المزارع القريبه والنخيل      |
||
|
|
07-01-2008, 11:52 AM
|
رقم المشاركة : 6 (permalink) | |||
|
|
رد: الـــرحـــلــــه إلـــى الــمـــضــبـــاعـــه فــي الــحــريــق
اقتباس:
حياك الله يا عبدالله وشكرا على المرور والكميره من أهم الأشياء التي أحرص عليها في تنقلي ورحلاتي |
|||
|
|
|
08-01-2008, 09:22 AM
|
رقم المشاركة : 9 (permalink) | ||
|
|
رد: الـــرحـــلــــه إلـــى الــمـــضــبـــاعـــه فــي الــحــريــق
على طاري المضباعه....
جالس اسولف على احد كبار السن الله يطول عمرة بالطاعة ،، عن المضباعة والصور الي حاطها ابو عبدالله في موقع الحريق ، اسفهل الرجال وقام يسولف على طاري المضباعة .... يذكر ان غنم الحريق مع واحد من الجماعة يرعابها بعد منطقة المضباعة ، وعند قرب صلاه العصر فاجئه 6 من الحنشل ( بدو ) اجتمعوا علية وربطوه ،، بعد ما اطمئنوا على سرقهم طروا الصلاه واختلفو من يصليبهم العصر وما لقوا الى هالرجال المربوط ،،، قالوله آمنا ( يالحظيري ) قال وشلون اصليبكم وانا مربوط ؟؟ فكو رباطي واصليبكم !! المراد انهم فكوه وهم يعتقدون ان المكان كان مكشوف فوق الجبل ولا يمديه ينحاش وهم 6 رجاجيل وهو واحد ( الضعيف ) .. طبعا كانت قبلتهم تجاه الحريق وفي وجه الامام حبس وبعده تنزل للمضباعة .. المهم كبر للصلاه وكل واحد حط قدامة سلاحة اما الشلفا او العجرا او المشعاب .. مطوعنا ذهين وقرر حسم مصيرة مع الحنشل!! صار في السجود يتأخر شوي.. ومع الركعة الثالثة اتخذ قراره!! وأول ما سجد وهو يلقط اقرب شلفا او عصا حوله ويطمر وجهته للمضباعة (( كان سبوق و معروف انه خفيف في مشية ما تدري عنه الى وهو جنبك )) طبعا طلع على الحبس وجهته للمضباعة ،، يوم انتبهو الحنشل للرجال وهم يلقطون مشاعيبهم ويلحقونه يبون يمسكونه .. واثرة نزل مع الحبس للمضباعة وكان يعرفها زين .. يوم وصلوا الحنشل للمضباعة يتلفتون يمين يسار ما لقوا الرجال !!!! وهم يدورون شافوه قد نزل و وجهه للديرة يعني ما يمديهم يلحقونه تشاورو بينهم واتفقو على انهم ان انحاشوا يبي يلحقونهم اهل الحريق ويمسكونة او يصوبونهم بالسلاح ( البندق )،،، وقرروا انهم يردون غنم الجماعة بمعنى ان حنا ما لنا بغنمكم حاجة !!! خوينا ( السبوق ) استفزع بالجماعة ،، وشوي الى كل الجماعة حوله وش العلم قال لهم الغنم راحت سرقوها الحنشل لكن مع حوسه الجماعة اثر الغنم تنزل مع درب معروف في الجبل !!!! تعجبوا الجماعة من كلامة وقالوله شف الغنم حولت من ( الضلع ) الجبل !! عاد قال لهم القصه كلها مع الحنشل راحو لغنمهم واثر فعلاً هالبدو رادين الغنم للحريق !!! تجمعوا عليهم الجماعة وهاوشوهم ونالهم من المقسوم طيب ،، المهم رد الجماعة على شغلهم بالبدو امير الحريق ذاك الوقت ،،، وضيف البدو عنده وعشاهم ،، وخذ علومهم عن سواتهم بعد العشاء ،، واعترفوا انهم ربطوا الرجال لكن الي يبونه بس عشاهم من الغنم غنمتين او ثلاث بس ... اما هالرجال الي انحاش منهم فهم يخافون منه حتى بعد العشاء يحسبونه من الجن !!! وسلامتكم ....... |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سـر الزهــد فــي الـدنيــــــا | الساهر | الحريق الاسلامي | 4 | 26-09-2006 08:00 PM |
الموقع يحمل كل عضو مسئولية مشاركته فراقبو الله في كتاباتكم
 |
