وش حيلتي لاقدّم الورد من ورد=تجمعت عندي ورود الطبيعه
ورد الخدود وورد ممدود باليد=وعلى الشفا ورود حمرا فظيعه
عجز الصبر عني وبيّحت بالسد=قلبي رهيّف والغضي فيه ميعه
وان جيت الد اشلون اناعنه ابا الد=وانا مكبّل بالعيون الوسيعه
مد الورود ببسمت(ن)حدّت الخد=ياخذ من الورد احمراره وديعه
ويضغط على الغمّاز فَلَذّ مشهد=ما احلى تضاريسه وما اقوى لميعه
قمت آتنهد ناظرن ثم تنهد=انا صدوق وظنتي به خديعه
قلت اسألك بالله والح وانشد=احدن علي مسلّطك لاتطيعه
لانيب مزيون(ن)ولا ناعم الخد=ولا من اللي له قوافل تطيعه
ليتك تخليني وانا عنك ابا اصد=قلبي واحطه في حصون(ن)منيعه
قال اللذي مثلك انا ابيه واقصد =قلبه رهيّف والجوارح تطيعه

المشاركة الأصلية كتبت بواسطة ليالي نجد بكل الكلمات والمعاني لن أستطيع وصف جمال هذه القصيدة فجمال الوصف فيها ودقته والتشبيه .. هي ما جعلني أعيد قرأتها مراراً وتكراراً فلم أقرأ وصفاً بليغاً للورد بأنواعه كما قرأت اليوم أخي أبو أنس تقبل إعجابي وإحترامي

المشاركة الأصلية كتبت بواسطة ابوناصر الأخ ابو انس القصيده مؤثره وتدل على صدق مشاعر قائلها (الظاهر انك متعلق ) الله يعينى وياك

المشاركة الأصلية كتبت بواسطة هواوي والجوارح تطيعه الله عليك يابو انس صح لساااااانك يالغالي متميز دائماااا لاتحرمنا من جديدك تقبل مروري بكل ووود

المشاركة الأصلية كتبت بواسطة ولدالديره قـال اللـذي مثلـك انـا ابيـه واقصـد قلـبـه رهـيّـف والـجـوارح تطـيـعـه قعدت اتنهد عقب القصيده انا اشهد انك مبدع ووصف يعيش الواحد في جو ثاني الله يهديك استاثمت فينا < هههههه ايه كذا اتحفنا بقصايدك يا بعدي