يا قبر أعز إنسان غالي رقد فيك = خفف عليه من التراب الثقيلي
يا قبر ماني طيب عقب راعيك = اللي رعاني صار عنـدك نزيلي
أغليك أنا يا قبر من حب راعيك = مرحوم يا راعي الوفا والجميلي
ياللي سكنت القبر صوتي يناديك = موتك جرح قلبي وهديت حيلي
ما أنساك والله لين قبري يوازيك = وأعلن من الدنيا العريضه رحيلي
وأموت كل ما حل طاريك = كنـت أفتكـر عمـرك معانـا طويلي
يبكي عليك البيت من عرض أهاليك = لي دخلت البيت دمعي يسيلي

هـات ريـشة نـرسم اللوحـة [ وداع ] ..
شخص مقفي ،، وشخص واقـف في ضيـاع ،،
قـلب شـ / ـاري .. وقــلب بـ / ــاع ..
ونـرسم اللوحـة ظلام ،،
والدموع [ امطار ] والنظرة كلام ..
والفـرح يغفى وينــام ،،والحـزن يبدي الـدوام..

ياطير وش أخبار خلي ؟